Content not translated?
Try autotranslate

Dit vil eg fara!

Festforestilling for utvandrarjubiléet i Telemark. Grenland Friteater i samarbeid med Nissedalskoret og Sanden kulturupplivingar.

Billetter

Om forestillingen

Forestillinga ble spilt i Treungen, Porsgrunn og Bø, tilsammen 5 forestillinger i oktober/november 2025
Dit vil eg fara! er ein nyskriven tekst av Leif Arild Sanden og Tor Arne Ursin med sangar av Kjell Åsen og Sigvald Tveit. På scena møter ein eit lag med artistar frå heile Telemark med skodespelarar som Leif Arild Sanden, Anne-Sophie Erichsen og Hæge Manheim i spissen, med Nissedalskoret og eit orkester under leiing av Vidar Ytre-Arne og Knut Buen som til slutt toppar laget. 

Dit vil eg fara! blir ei forestilling full av sang, musikk og både komiske og såre opptrinn fulle av fart og spenning. Det handlar om store draumar og smålege omsyn, lange reiser og korte lunter, billege triks og store kunstar i ei mangfaldig verd. 

Handlinga i den første delen er lagt til ein landhandel i ei bygd i Telemark midt på 1800-talet. Her møter me den notorisk upålitelege kramkaren Gunstein, som kona Amalie har eit svare strev med å halde styr på.  

Det er ei tid med oppbrot i bygda. Det er ikkje nok jord til ei veksande busetting. Frikyrkjefolket kjenner bispen og prosten sitt styre som eit åk. Det gjeng gjetord om Amerika – det nye landet langt i vest. Til butikken kjem alle med sine ærend. Det er ho som vil sende brev til sonen i Amerika, ho som ventar på kjærasten derifrå og endeleg han som er komen heim. Men kvifor? Og kva veit han om det som hender «over there»? Skal alle reise? Kva ventar dei der? 

I andre delen er Gunstein og Amalie komne til Minnesota og hev fått seg ein butikk der. Det har gått bra for mange utvandrarar, men alt er allikevel ikkje berre lukke og velstand her heller! Det er fullt av krangling og konfliktar i det nye landet òg! Saknet etter gamlelandet og skyldfolket er stort. Korleis skal dei greie å halde på den gamle kulturen? Eller skal dei no det? Men me kan røpe at det endar godt til slutt, på ein storslegjen fest med slåttepel og dans! 

Manus: Tor Arne Ursin og Leif Arild Sanden 
Regi: Tor Arne Ursin
Sceneografi: Kjersti Posti Høgli og Lars Løberg Andersen
Kostymer: Kjersti Posti Høgli og Guro Dale
Musikalsk leiar: Vidar Ytre-Arne
På scena: Leif Arild Sanden, Anne-Sophie Erichsen,  Hæge Manheim,  Lucy Bergan Odberg, Mathias Hansen, Nora Linnea Nielsen, Trym Winjevoll, Joakim Dan Jørgensen, Øyvind Tveit og Knut Buen 
 
Nissedalskoret under leiing av Marit Lien Homme . Solist: Bjørn Dagfinn Tveit 
 
Orkester:
Vidar Ytre-Arne – fiolin og kapellmester, Olav Svalastog – piano, Nils Henrik Mostraum – bass, Ingri Elise Engeland – fløyte, Asgeir Søfteland – horn.
 
Songar av Kjell Åsen og Sigvald Tveit . Orkesterarrangement : Vidar Ytre-Arne. Amerikavals av Knut Buen
 
Lysdesign, video, m.m.: Lars Løberg Andersen 

Lydmeister: Erlend Stein 

Teatermålar: Marie Hafnor 

Fotograf: Hans Petter Eliassen 

PR: Marija Bliznac 

Produsent: Mathias Hansen 

Teknikarar:  Andrew Keeping og Joakim Dan Jørgensen 

 

Grenland Friteater i samarbeid med Nissedalskoret og Sanden kulturupplivingar.
 
Se fotos fra forestillinga HER
Les Tor Arne Ursins artikkel om forestillingas tilblivelse HER

Tusen takk for støtte fra :

Nissedal kommune, Telemark fylkeskommune, Sparebanken Norge, Sparebankstiftelsen DnB, Fritt Ord

 
Designet og utviklet av: